Студентски микс

Лешниците во својот состав содржат многу витамини: Е, Ц, Б1, Б6, Б9 и К. Од минерали содржи: манган, калциум, магнезиум, фосфор, железо и цинк. Лешниците се корисни за спречување на кардиоваскуларни болести, нормално функционирање на нервниот систем, виталноста на кожата, намалување на холестерол, подобрено функционирање на цревата, како и регулирање на шеќерот во крвта.

Бадемите во споредба со останатите јаткасти производи се најбогати со калциум. Освен тоа, тие се неверојатен извор и на други минерали како: магнезиум, калиум, железо, цинк бакар и селен. Тие се богати со витамини, како: В2, В3, В5, В6 и В9. Бадемите се особено богати со витамин Е кој е моќен антиоксидант и придонесува за добар изглед на кожата. Научно е утврдено дека бадемите го намалуваат нивото на холестерол и го намалуваат ризикот од појава на срцеви болести, како резултат на присуството на мононезаситени масни киселини и флавоноиди.

Индиските ореви се полни со витамини, минерали, антиоксидантни соединенија и незаситени масни киселини. Од минералите најзастапени се: бакар, фосфор, железо, магнезиум, манган, селен и цинк, кои имаат важна улога во многу физиолошки процеси. Индиските ореви се богати со витамини Б1, Б5, Б6 важни за здравјето на нервниот систем, како и  витамин Е и К. Тие го намалуваат ризикот од кардиоваскуларни заболувања, спречуваат формирање камења во жолчката, го намалуваат ризикот од рак и помагаат во одржување на здравјето на коските.